كفاية كدة هجر القران

Admin عدد المساهمات : 91 تاريخ التسجيل : 01/12/2009

بسم الله الرحمن الرحيم
---------------

السلام عليكم ورحمة الله وبركاته

كل عام وانتم بخير

ويااااااااارب يكون ربنا تقبل منا شهر رمضان بكل مافيه من صيام وصلاه وقيام وركوع وسجود

ونكون يااااااااااارب من المعتوقين من النار ومن الذين كتب لهم ليله القدر ياااااااااارب

انت عايز تعرف هل رمضان تقبل منك رمضان او لا؟؟؟؟؟؟؟؟

عايز تعرف؟؟؟؟؟

اقولك تعرف ازاى لو لقيت نفسك استمرت على طاعه الله بقدر الامكان

وكمان لو لقيت نفسك المعاصى اللى كنت بترتكبها زمااااااان قبل رمضان بدون مبالاه

لقيت نفسك اشمئزت من ارتكبها الان بعد رمضان فاعلم ان شااااااااء الله ان ربنا تقبل منك رمضااااان

علشان كده هنكمل حمله

حمله كفايه كده هجر للقرءان )

اللى الحمد لله اشتركنا فيها من شهر شعبان من السنه اللى فاتت

وان شاء الله تنجح الحمله بيكم زى مانجحت قبل كده بيكم

طبعا كفايه بقى كده.... اللى احنا بنعمله ....لازم نفوق بقى العمر
بيجرى واحنا نايمين مستنين الموت يفوقنا من الغيبوبه ديه ولما نفوق يبقى
خلاص مفيش رجعه

علشان كده حبيت نحمل حمله كفايه كده هجر للقرءان

الفكره ديه الحمد لله بنفذها انا واصدقاء ليا على النت بالرغم انى ماعرفهومشى شخصيا يعنى مش قبلتهم وجه لوجه قبل كده

بس الحمد لله اتكلمنا واتصاحبنا واتفقنا على طاعه الله

فقلت اقولكم على الفكره ممكن حد يدخل معانا ونشجع بعض

الفكره اننا قررنا اننا نقرء جزء واحد من القرءان فى اليوم بالرغم انه فيه ناس بتقرء جزئين واكتر

بس قلنا جزء واحد علشان برده الناس ماتملش وكمان يبقوا مواظبين عليهم

يعنى احنا هنا فى التوبيك ده كل واحد يدخل يقول انا حشارك معاكم مثلا وبدءت وقرءت جزء النهارده

من سوره كذا لكذا او من ايه كذا لكذا

ومش شرط جزء من القرءان المهم انك مايفتشى عليك يوم والا وانت فاتح كتاب الله وتقرء فيه
وشويه شويه حيبقى جزء وجزءين كمان

بس يلا نشجع بعض ونفوق بقى ونجعل القرءان ده شىء اساسى فى حياتنا
يلا روح اشترى مصحف صغير وخليه فى جيبك او فى شنطيتك
يلا بقى كفايه كده خراب للقلوب
كفايه كده لعب الشيطان بينا
كفايه كده حب فى الدنيا ويلا نحب الاخره شويه

يلا نشجع بعض ونبدء من هنا

يعنى واحد لما يدخل ويلاقى ان فيه ناس بتقرء ومحافظه على القراءه

فاكيد هو برده حيتشجع ويدخل معانا وهكذا

طبعا انا مش حقول ايه فايده قراءه القرءان علشان اكيد كلنا عارفين يعنى ايه يبقى انت محافظ على قراءه القرءان

يعنى بتقرء الرسايل من الله ليك
يعنى بتقرء منهج حياتك
يعنى الخير والرضى فى القلب
يعنى الحسنات الكتييييييييييييييييييييير اوى اللى بتخدها
يعنى رضى الله عليك
يعنى ويعنى .................... حاجات كتير محتاجه توبيكات

طبعا ده مش موضوعنا علشان ماطولشى عليكم

تحذير هااااااااااام

احذر من هجر القرآن ( وقال الرسول يارب إن قومي اتخذوا هذا القرآن مهجوراً ) وهجر القرآن أنواع : 1- هجر تلاوته . 2- هجر العمل به . 3- هجر الحفظ . 4- هجر التحاكم إليه . 5- هجر الاستشفاء به . 6- هجر تدبره

انا عارف ان فيه ناس حتدخل وتطلع تانى وتقول ياعم

ليه ماتجعلشى القرءان الكريم شفيع ليك يوم دين
ويكون ليك مش عليك ويكون ليك نور فى الدنيا والاخره
ليه مايكونشى القرءان الكريم ربيع قلبك وزوال همك وانشراح صدرك

الكتير منا الايام ديه بالرغم انه لسه مدخلشى حياه الاسره والمسؤليه ولكن
تلاقيه شايل الهم ومضايق على طول ومغموم ويبان عليه علامات الكبر

عارفين ليه علشان للاسف قلبه بقى مشغول بالدنيا وبعد عن ربه وعن دينه

يلا بقى كفايه كده هجر للقرءان وكفايه كده بعد عن الدين

احنا ربنا اعزنا بالاسلام فلما بعدنا عنه اصبحنا اذلاء فى الارض زى ماانت شايفين

دلوقتى بدل ماننشر ديننا على غير المسلمين بقينا دلوقتى بنحاول ونجاهد اننا ننشره بين المسلمين
متخيلين الموقف

وربنا يهدينا اجمعين

وان شاء الله لو الفكره عجبتكم يبقى ممكن تضعوا فى توقيعتكم لينك و شعار

كفايه كده هجر للقرءان

والحمله حتبدء من اليوم ان شاء الله

حتى ولو واحد بس اللى شارك او مفيش حد شارك ان شاء الله نكمل فى الحمله ديه
توكلنا على الله

ومستنى مين اللى حيشارك معانا

وفى الختام لاتنسوا ذكر الله
(سبحان الله والحمد لله ولا اله الا الله والله اكبر)

]حمله كفايه كده هجر للقرءان... يلا نختم القرءان مع بعض (للسنه التانيه على التوالى

)][]